投资股市做功课 (四)
今次呢个步骤好有趣, 亦都係大部份买股票的人最关心, 好多人成人都会问 “依家个价买唔买得呀”, “沽货离场好唔好呀”…. 你问人, 即係等於你无做功课, 对你来讲, 买股票等於入赌场博佢升一转,赚下买餸钱 (但好多时係赚十次都唔够输一次)…. 所以, 呢个步骤就係帮助阁下”定”你的目标价:
讲得目标价, 就紧係”目标”啦, 但当然有得根据啦, 就係呢间公司早年的年报喇.
定出目标价的步骤:
1. 预期收入: 讲得预期, 就一定有估嘅成份嫁喇, 但估还估, 都要有个谱嫁嘛, 今年收入一亿, 下年唔会无端端变十亿嫁嘛 (係真得话就真係劲咯).
你的根据可以係呢间公司过咁多年的收入走势再加埋你对呢个行业/ 外在经济因素对公司收入的影响 (最好用一个%乘入去, 咁你日后会知道自己”估”得有几叻/屎)
(呢个收入, 最好係用经常性收入计算, 因为好多公司成Q日都有”非经常性收入” ~ 因为成日有嘢买买卖卖 ~ 小心)
2. PROFIT MARGIN: 有收入, 就紧係要知道profit margin几多%, 先可以计到一间公司可以赚几多钱嫁嘛; 又係年报会比到一个公平嘅资料你嫁喇.
(同收入一样, 请自行删除”非经常性收入”的margin)
3. 由 (1) x (2), 咁你就会计到呢间公司未来会赚几多钱
4. 预期公司股数: 唔好以为, 有钱赚大晒喎, 因为间间公司都有可能会增加股本/ 分红股/ 供股/ 以股代息… 分分钟令分薄晒都唔定嫁; (一般公司都唔会无端端增加股数超过2%)
5. EPS (earning per share): (3) / (4). 咁你咪计到每股赚几多钱囉
6. 预期高及低 P/E值: 巴菲不喜欢P/E高过15的公司, 对於高增长公司而言, 我最多会计到20倍. 其实, 只要CHECK返过往股价同EARNING, 你就会睇到一间公司的纪录 (好多share watch都有呢个function);
但要明白, P/E係一个价钱对比赚钱能力的比较,即係市场愿意付出的价钱, 好多时,呢个数都会过大或过细. 例如, 如果无得卖返啲股票出去, 你会唔会买入一间要赚30年钱先可以回本的公司? 但股票市场係有时候有人会愿意的啊, 甚至更高都愿意, 因为呢啲人预期该公司未来盈利会翻几翻.
7. 预期高价及低价/ 平均价: 只要将 (5)公别乘以 (6)的高低P/E值, 你就会计到你的预期呢间公司的高低价位, 将佢加总之后除以二, 咪知道你心目中的 “股价” 喇.
8. 买入价: 为左有”安全边际”, 最好就係目标价的 40%-60%作为买入价.
做完呢一步, 你就会发现,原来有好多股票都係唔适会即时买入的, 呢个现象尤其会发生在升市当中. 不过唔紧要, 因为投资赚钱的机会係会不知不觉突然出现面前, 做好准备, 计好数, 到真係到价先 “做嘢”
That’s why 巴菲特经常都讲 “别人恐惧我贪心”, 因为一早做好准备 (无论是计算或是现金储备, 甚至心理)
DATE: 2010-05-22 - 15:58 - 3:58 下午 栏目：炒股技巧心得. 170 阅读